“ദൃഷ്ട, ശൃത, അനുഭോദശ്ചഃ, പ്രാർത്ഥിതഃ, കൽപ്പിതഃസ്തഥാ, ഭാവികോ, ദോഷജശ്ച ഇതി, സ്വപ്നഃ.സപ്തവിധോമതഃ”
വേദങ്ങൾ പറയുന്നതാണ്... നമുക്ക് ഏഴുതരം സ്വപ്നങ്ങൾ ആണ് സാധാരണ ഉണ്ടാകുന്നത്... വേദങ്ങളും ഉപനിഷത്തുക്കളും കാലഹരണപ്പെട്ട മണ്ടത്തരങ്ങളാണ് എന്നു ചിന്തിക്കുന്നോ ? എങ്കിൽ ആധുനിക ശാസ്ത്രവും പറയുന്നു, നമുക്ക് പ്രധാനമായും ഏഴുതരം സ്വപ്നങ്ങളാണ് ഉണ്ടാകുന്നത് എന്ന്... അവ ഇവയൊക്കെയാണ്...
- Initial Dreaming :- വളരെ ദൂരത്തിൽ ഒരു പ്രകാശം, അല്ലെങ്കിൽ നമുക്ക് ചുറ്റും ഒരു പ്രകാശ വലയം, മഴവില്ലുപോലെ പല നിറങ്ങൾ ഇവയൊക്കെയാണ് ഇത്തരം സ്വപ്നങ്ങളിൽ കാണുക… ഇത്തരം സ്വപ്നം അങ്ങനെ സാധാരണയായി എല്ലാവരും കാണുന്ന ഒന്നല്ല…
- Ordinary Dreaming :- നമ്മുടെ ഓർമയിൽ മുൻപ് ഉണ്ടായ ചില സംഭവങ്ങൾ, ചില സുഹൃത്തുക്കൾ, സ്കൂൾ കാലഘട്ടം എന്നിവയൊക്കെയാണ് ഇത്തരം സ്വപ്നങ്ങളിൽ ഉണ്ടാകുക… സാധാരണ നമ്മൾ കാണുന്ന പല സ്വപ്നങ്ങളും ഇത്തരം സ്വപ്നങ്ങളാണ്…
- Pathological Dreaming :- നമുക്ക് പനി, ശാരീരിക ബുദ്ധിമുട്ടുകൾ എന്നിവ ഉള്ളപ്പോൾ നമ്മൾ കാണുന്ന ഒരുതരം സ്വപ്നമാണ് ഇത്… ചിലപ്പോൾ വലുപ്പമേറിയ തലയിണകൾ നമ്മുടെ മുകളിലേക്ക് വീഴുന്നു, അല്ലെങ്കിൽ ഒരു വലിയ അപ്പൂപ്പൻതാടി നമ്മുടെ മുകളിലേക്ക് വീഴുന്നു, അതിന് വളരെ ഭാരം തോന്നുന്നു, അല്ലെങ്കിൽ ഒരു വലിയ കല്ല് നമ്മുടെ മുകളിലേക്ക് വീഴുന്നു… അങ്ങനെ പലതരത്തിൽ ആവാം…
- Vivid Dreaming :- നമ്മൾ ഏതാനും ദിവസം മുൻപ് കണ്ട ഒരു അപകടം… അല്ലെങ്കിൽ ഒരു സിനിമ… അതിനെക്കുറിച്ചുള്ള സ്വപ്നങ്ങൾ… ആ അപകടം വീണ്ടും കാണുക, അല്ലെങ്കിൽ ആ സിനിമയോ, സംഭവമോ വീണ്ടും വീണ്ടും സ്വപ്നം കാണുക… ഇതാണ് ഇത്തരം സ്വപ്നങ്ങളുടെ പ്രത്യേകത…
- Symbolic Dreaming :- ആന ഓടിക്കുന്നു, അല്ലെങ്കിൽ പട്ടി ഓടിക്കുന്നു, അല്ലെങ്കിൽ പാമ്പ് ഓടിക്കുന്നു എന്നിവ… പക്ഷെ, എത്ര വേഗത്തിൽ ഓടിയാലും വേഗത കൂടാത്ത അവസ്‌ഥ… കാലുകൾ കുഴയുന്നതുപോലെയോ, കാലുകൾ തെന്നുന്നതുപോലെയോ ഉള്ള തോന്നൽ… അവസാനം നമ്മൾ അവിടെ വീഴും, അല്ലെങ്കിൽ അവ നമ്മളെ പിടിക്കും… പലരും കാണാറുള്ള ഒരുതരം സ്വപ്നമാണ് ഇത്…
- Sensational Dreaming :- കൃത്യമായ ഒരു സ്‌ഥലമോ ഒരു വ്യക്തിയെയോ മൂന്നോ, നാലോ അല്ലെങ്കിൽ അതിൽ കൂടുതൽ തവണ സ്വപ്നം കാണുന്നു… ഏതാണ്ട് ഒരേ സ്വപ്നം തന്നെ… ഇതും പലരും പറയാറുള്ള ഒരു സ്വപ്നമാണ്…
- Lucid Dreaming :- സ്വബോധത്തോടെ സ്വപ്നം കാണുക… ഇത് വളരെ ചുരുക്കം പേരിൽ മാത്രമാണ് സാധാരണയായി സംഭവിക്കുന്നത്… ഇത്തരം സ്വപ്നങ്ങൾ നമുക്ക് പരിശീലിച്ച് കാണാൻ കഴിയുന്ന ഒന്നാണ്… നമ്മൾ സ്വപ്നം കാണുകയാണ് എന്ന ബോധത്തോടെ സ്വപ്നം കാണുക… ആ സ്വപ്നം നമുക്ക് നമ്മുടെ ഇഷ്ടത്തിനനുസരിച്ചു മാറ്റം വരുത്താൻ സാധിക്കും… ഉദാ: നിങ്ങൾക്ക് ചിറകുകൾ ഇല്ലാതെ പറക്കാം, oxygen ഇല്ലാതെ കടലിനടിയിൽ പോകാം, വിമാനം പറത്താം, അങ്ങനെ നിങ്ങൾ ആഗ്രഹിക്കുന്നത് എന്തും ചെയ്യാൻ കഴിയും… വേണമെങ്കിൽ കൈലിമുണ്ടും വള്ളിച്ചെരുപ്പും ബട്ടൻസ് പൊട്ടിയ ഷർട്ടും ഇട്ട് കവലയിലെ പലചരക്കുകടയിൽ പോകുന്ന ലാഘവത്തോടെ, എവറസ്റ്റ് കൊടുമുടിയുടെ മുകളിൽ വരെ കയറാം… നിങ്ങൾ എന്ത് ആഗ്രഹിക്കുന്നുവോ, അതെല്ലാം സ്വപ്നം കാണാം…
നമ്മുടെ ഉറക്കത്തിൽ ആദ്യ 15 മിനുറ്റ് മുതൽ, എല്ലാ ഒന്നര മണിക്കൂറിലും 15 മിനുറ്റ് REM എന്ന ഉറക്കത്തിൽ ആയിരിക്കും... നമ്മൾ സ്വപ്നം കാണുന്നത് ഇത്തരം സമയങ്ങളിൽ ആണ്... സാധാരണ മനുഷ്യർ ഒരു ദിവസം ഉറക്കത്തിൽ 5 മുതൽ 7 സ്വപ്നം വരെ കാണാം... ഉറങ്ങുന്ന സമയത്തെ അനുസരിച്ച് അത് മാറിക്കൊണ്ടിരിക്കും... പക്ഷെ, ഈ സ്വപ്നങ്ങൾ ഓർത്തിരിക്കാൻ നമുക്ക് കഴിയാറില്ല... അതുകൊണ്ടാണ് ഇന്നലെ ഞാൻ സ്വപ്നം കണ്ടിട്ടില്ല എന്ന തോന്നൽ നമുക്ക് ഉണ്ടാകുന്നത്... മാത്രമല്ല, ചിലപ്പോൾ യാതൊരു യുക്തിയും ഇല്ലാത്ത സ്വപ്നങ്ങൾ കണ്ടു എന്നു നമുക്ക് തോന്നും... പക്ഷെ, അത് രണ്ടോ, മൂന്നോ സ്വപ്നങ്ങൾ കൂട്ടിച്ചേർത്ത് നമ്മുടെ മനസ്സ് ഉണ്ടാക്കുന്ന ഒരു കഥയാണ്... lucid dreaming ന്റെ ആദ്യ പടിതന്നെ, നമ്മൾ കാണുന്ന സ്വപ്നങ്ങളെ ഓർത്തിരിക്കാൻ സാധിക്കുക എന്നതാണ്... പരിശ്രമിച്ചാൽ 4,5 സ്വപ്നങ്ങൾ വരെ നമുക്ക് നിഷ്പ്രയാസം ഓർത്തിരിക്കാൻ കഴിയും... ഇങ്ങനെ ഓർത്തിരിക്കാൻ സാധിച്ചാൽ, lucid dreaming വളരെ എളുപ്പത്തിൽ നമ്മുക്ക് ചെയ്യാൻ സാധിക്കും... "ഉറങ്ങുമ്പോൾ കാണുന്നത് ആകരുത്, ഉറക്കം കെടുത്തുന്നതാവണം സ്വപ്നം" എന്നു പറഞ്ഞ ഒരു മഹാപുരുഷൻ നമുക്ക് ഉണ്ടായിരുന്നു... ഡോക്ടർ കലാം... അത് വെറും ഒരു വാചകം മാത്രമല്ല... നമ്മൾ ഏറ്റവും കൂടുതൽ ആഗ്രഹിക്കുന്ന കാര്യങ്ങൾ, അല്ലെങ്കിൽ നമ്മുടെ ഏറ്റവും വലിയ സ്വപ്നങ്ങൾ... അത് എത്രതവണ നമ്മൾ കാണുന്നുവോ, അല്ലെങ്കിൽ ആഗ്രഹിക്കുന്നുവോ, അത് യാദർഥ്യമാകാണുള്ള സാധ്യതകൾ കൂടുതലാണ് എന്ന് പറയപ്പെടുന്നു... അതിനുള്ള സാഹചര്യങ്ങൾ നമ്മുടെ മുന്നിൽ സ്വയം ഉണ്ടാകും... അതുകൊണ്ട് എല്ലാവരും സ്വപ്നം കാണുക... സ്വപ്നങ്ങളെ യാദർഥ്യമാക്കുക..
കേരളം മനോഹരം 